هذا المريض دخل على المستشفى عشان أعمله عملية في .... (فوق الفخذ) :)
المهم والله بلشوا التمريض يجهزوا فيه و شالوا عنه كل اواعيه و لبسوه مريول بيستره من قدام بس ,,,
أما الواجهة الخلفية من فوق لتحت ما فيه شي يستره!!
ما علينا الشب حطوه على التخت و مشوا فيه على غرفة العمليات ,,, و قبل غرفة العمليات فيه غرفة بيكونوا على السرير لحتى يدخلوه بعد شوي على غرفة العمليات ,,, هالمريض المحترم زهق من القعدة على التخت و حكى خليني اشوف أهلي شوي قبل ما يجي دوري المهم الشب طلع و مشى بالممر اللي عند غرف العمليات و البنات و النسوان يغطوا على وجوههم و الشباب فارطه من الضحك و هو مش فاهم شي الا لما فيه زلمة كبير بيحكيله يا شب استر حالك ,,, انته مش شايف حالك من وراء!! المصخمت تذكر انه بس من قدام جسمه مغطى و من وراء و لا فيه شي ركض على الغرفة زي المجنون لحتى يرجع ينام على السرير بانتظار العملية بس الناس اللي هناك تمزعوا من الضحك من المنظر
