أكاذيب لا تخلو منها جلسات النسوان/بقلم د . زعلان

ـJMD من يومين وقعت وانكسرت الرجل اليمين واضطريت إني اقعد بالدار وكان عنا جمعة نسوان "جمع نساء" وضليت أنادي على أم زعل حتى راح صوتي وما بترد علي فقررت استرق السمع يا رب سامحني واستشفيت و اكتشفت اكتشاف جديد وهو :

أكاذيب لا تخلو منها جلسات النسوان

وكل مرة بحكي بدي أدخل وأنجن بس ضليت أسمع وأحكي مع حالي كالتالي :

بحكي مع حالي بلون ثاني :

1- والله ولادي ما بياكلو شي   .

يخرب بيتك والله بياكلوا الزلط . وين يروح الأكل يتوزع  عروح أمك يعني .

2- جوزي بيموووت فيني.

لأني ................

3- اتجوزت صغيرة ما بفهم شي  .

ليش لما كبرتي فهمتي شي

4- أنا موسوسة نظافة                             كثييييييييييييييير عشان هيك  الصراصير بتلعب لعيب جوا
5- أنا من زمااان كنت عصاية بس خرب جسمي من الحبل والولادة

والله من يوم ما أخذتك وأنت هيك دبه قال عصايه !!! عصايه تضرب على جانبك .

6- ما حدا بالدنيا صبر قدي                                        تصبري و ما تلاقي
7- كل ما روح على شي عرس بنخطب                                                    مين ........ بيتفرج عليك غيري
8- ما في حدا شافني وعطاني عمري الحقيقي          صح أكبر من عمرك 35 سنة اقل شئ 
9- ما حدا بصدق أنو هي بنتي … كلهم  بيفكروها أختي

لأنها بتفهم وبتشبه أبوها الله يسعدها أكيد مش يصدقوا أنها بنتك

10-صارلي من امبارح مو نايمة غير ساعة

ولك والله من شخيرك ما نمت غير ساعة مقطعة

فقررت أدخل عليها وأفرطها لأني زهقت منها ومن كذبها زودتها المدعوة أم زعل و إذ :

11-جوزي ما بيرفضلي طلب وإذا زعلني بيصالحني وإذا ما صالحني والله غير ما يلوم إلى حاله و بيني وبينكم بيخاف مني شوي .

وقفت قبل ما أدخل وأفتح الباب لأنها حكت شيء صحيح وهذا بيخليني أغفر لها أغلاطها الأولى لأني فعلا

-       ما برفضلها طلب . طبعا لأخلص من الزن و النكد و .......

-      وإذا  زعلتها غص من عني بصالحها "بحبها " .

-       و بخاف من جنونها والله مجنونة هي ممكن تخنقني وأنا نايم أو تقطعني .

-       بس كذبت لما قالت بخاف منها شوي والله يا أم زعل يا روحي أنا بخاف منك كثيييييييييييييييييييييييييييييييييييييييييييييييير .

فرجعت وقعدت ولبدت .

د . زعلان

لتتعرف على الدكتور زعلا ن ومتابعت أخباره والتواصل معه الرجاء الضغط هنا .

لزيارة صفحة  الدكتور زعلان ومعرفة الأكثر عنه الرجاء الضغط هنا .

• السابق
• التالي